一男一女站出來，爭取「無障礙」宿舍空間，大業未成憂患先至。揭竿起義招來支持者多、狠批的網民更多。劉璧嘉與Andy稱有網民揚言人肉搜尋大起底，本來公開的facebook也要急急設下門檻，以免露出真身。
直言遭圍攻有壓力
劉璧嘉表示，自己「靜雞雞」發起活動，事前未有與家人討論。貼過文、瞓過街，第一波行動後她瀏覽討論區，有人撐、有人罵，有人直斥中大生如畜牲。討論熱烈是活動最初目的，網民反應卻暗自心驚。劉坦言早有心理準備，預計站出來會惹起各方「興趣」，但有網民因兩人帶頭發起活動，忽然召集起底「搵呢兩條友出嚟」，她直言「遭到圍攻有壓力」。
面臨不友善對待，劉璧嘉不諱言心有所畏，立即把facebook鎖定為只供朋友觀看，以免私相簿流出，「一路做嘅嘢都係面向公眾，facebook設為公開，今次諗諗吓都係要轉」、避避風頭。但她笑言不太擔心相片被放上報，「因為我唔夠周澄（中大學生會前任外務副會長）靚」。
戰友Andy則早有準備，向家人提及校內「大搞作」，家人亦無反對。本報記者