【本報訊】曾因建議最低工資訂在時薪20元而贏得「廿蚊張」稱號的飲食界立法會議員張宇人，昨日在電台節目再發表偉論。他建議香港效法英國，把青少年最低工資打折，方便他們找得工作。有青年團體批評張宇人營商思維落伍，不問提升產業水平，只求節省成本。
記者：蔡元貴
張宇人說，最低工資本月實施以來，勞資雙方爭拗不斷。他認為這是由於政府4月底才發放行業指引，沒有足夠時間讓僱主僱員商討。
張宇人繼而自詡說：「證明漣漪效應係啱嘅，好多人話我有遠見，其實唔係我叻，係睇報告啫。」
英國最低工資四個水平
他建議香港仿效英國，青少年最低工資調低一些，例如九折，讓他們較易找到畢業後第一份工。張宇人解釋，青少年缺乏工作經驗，在最低工資下難以競爭。在英國，最低工資分為四個水平，滿21歲僱員時薪最少5.93鎊（港幣約75元），18至20歲為4.92鎊（港幣約62.2元），16至17歲為3.64鎊（港幣約46元），實習生則為2.5鎊（港幣約31.6元）。
倡議最低工資立法的職工盟立法會議員李卓人認為，最低工資實施至今不足半個月，真正影響還有待觀察。
對於張宇人的提議，他持開放態度，但質疑青少年能否接受不平等的最低工資水平：「如果青少年真係搵工有問題，可以透過培訓計劃解決，唔一定要減人工。」
香港青年會副主席吳偉達則批評張宇人營商思維落伍：「我覺得香港嘅僱主要諗吓，點解唔提升產業水平？家所有行業一味鬥平，有乜意思？好似酒樓咁，越做越爛，服務水平仲差過80年代，點解會咁，就係因為僱主短視，顧住慳皮，唔諗吓點樣改善服務吸客。」
「青年搵唔到工原因多」
吳偉達認為，最低工資主要照顧基層低技術勞工，並非保障青少年工資：「我睇唔到最低工資同青少年就業有乜關係，青年人搵唔到工好多原因，可能係心頭高，可能係技能同市場需求錯配。」