男女消費，目標不一。男愛跑車遊艇紅酒雪茄，女則衣衫鞋袋珠寶買個沒完沒了。由用家身份搖身一變為最豪遊艇Sunseeker的亞太區總代理，許業宏（Gordon）鍾情Sunseeker除了外形吸引，最重要是船底結構如刀般尖，正是乘風破浪的最佳工具。坐遊艇遊遍世界，許業宏認為香港其實不乏風景怡人的小島如西貢蛇灣、大浪西灣，數到首屈一指水清沙幼人間天堂就非馬爾代夫莫屬。 撰文：MichelleLeung
許業宏（Gordon）自少已與遊艇結下不解緣，小時候跟隨父母周末出海，中學大學時期在英國度過，每年放假返港都爭取時間出海，一切水上活動如潛水、滑水他都熱愛。92年買下人生第一艘Sunseeker遊艇，他說：「嗰時由細隻啲玩起，初初玩37呎，跟住45呎、48呎、55呎，到家呢隻長66呎。」
揸遊艇環遊世界
Sunseeker是富豪與《占士邦》電影御用遊艇，Gordon說：「流線型、橢圓形窗呢啲係Sunseeker嘅外觀特色，以前興藍色，呢幾年就興黑色，但係最講求都係實用結構功能，Sunseeker船底結構好似把刀咁尖，咁樣先至可以過浪，起水時好靚，乘風破浪就係咁嘅意思，我自己個性好心急，都鍾意揸車，但係喺香港揸車唔過癮、太慢啦，郁吓就影相抄牌，揸遊艇嘅速度就夠晒過癮，我呢隻Predator60，時速38至43浬，由香港仔去西貢，只需20分鐘左右。」採訪當日，Gordon更一展身手「片」了一轉，從深灣出發到燙波洲中途島，3分鐘不到已經到達。
多年的揸遊艇經驗，Gordon足迹遍及全世界，問他印象最深是那一次的旅程？他說：「通常外國好似歐洲地方可以長癮啲，一個地方去另一個地方，所有碼頭都可以泊岸，風景最靚一定係馬爾代夫、其他好似希臘、法國南部啲小島都好靚，嗰度沙灘又多俊男美女，成幅picture都靚啲啦。」
至於中國及香港，Gordon表示玩家多數是daytour或在船上留兩晚，他說：「不過其實香港有好多島仔都唔輸蝕，香港嘅水質東面靚過南面，我嘅推薦係大浪西灣，好多陸路去唔到嘅島仔其實好靚，好似九針島、塔門、白、西貢蛇灣等等。」
內地富豪成主流
現時中國及香港擁有遊艇的人愈來愈多，他說：「一到周末個海好熱鬧！唔使約定都full晒，有啲人鍾意靜靜哋曬太陽，有啲好似我鍾意速度嘅就自自然喺度『賽艇』較量。」由用家成為亞太區Sunseeker的代理，Gordon表示利潤不多，他說：「因為要減價！係人買嘢都鍾意有折頭，同埋我哋唔係賣完隻遊艇就完工，有一大堆一條龍售後服務要follow，責任好大，好似幫佢哋僱用有經驗嘅船長、水手，佢哋嘅工作除咗開船出海外，仲要定期保養、維修，好似每4至5個月洗船底、刮蠔殼等等。」他又指現時中國買家愈來愈多，每年亞洲區分配到30隻Sunseeker事實供不應求，他說：「外國興租遊艇，中國人就唔多興，佢哋就算擺喺度唔用都唔會租出去。」
話你知：年耗60萬保養
許業宏擁有的SunseekerPredator60，船身長66呎，時速38至43浬，價值1億5,600萬，另外裝修費花了約180萬，是他人生擁有的第7艘遊艇，遊艇內傢俬選用皮革及上等黑桃木。
艇內有客廳，三間房包括主人套房、客房及工人房，廚房廁所一應俱全。由於Gordon鍾情速度，他於遊艇加置水車葉，令開行時速度更勁，但就要犧牲了不能在遊艇裝置升降機。
要養起一艘遊艇，基本開支需僱有船長、水手各一人，泊船費每月3萬、還有維修保養等，未計油錢（每小時耗油400公升），養一艘遊艇年費約60萬。
人物誌：出身名門愈玩愈大
現年49歲的許業宏（Gordon），來自香港四大望族中建許氏家族，雙親均為大國手，父親是著名外科醫生許崑倫，母親是婦科醫生黃秀嫻，他則畢業於英國ArchitecturalAssociation。
兒時已隨父親出海接觸遊艇，92年在英國考獲船牌即買下人生第一艘Sunseeker遊艇，之後愈換愈大，由船身45呎長換到現在60多呎，本身從事地產生意的他，由用家身份買遊艇到不停換艇與英國Sunseeker廠商建立良好關係，03年獲邀做亞洲區的總代理，現時業務已拓展至12個城市。
話你知：命名OM有玄機
許業宏將他的SunseekerPredator60遊艇命名為OM，原因是他前妻熱愛做瑜伽，而OM是做瑜伽開始前及完成後雙手合十的動作，翻查資料，OM是梵文，意思是向宇宙、自己的宗教信仰或自己作出答謝的意思。
同道中人：大劉、小小超至愛
有「遊艇界中勞斯萊斯」之稱的Sunseeker，也是《占士邦》電影系列時常出現的豪華遊艇，故亦有「邦德船」之稱。全球每年生產200艘，要購買也得輪候，絕對供不應求。
一般計算亞洲區會分配到約30艘，本港現時約有80艘Sunseeker，富豪用家包括有李澤楷、劉鑾雄、田北俊、馬廷強、周星馳等。大劉09年購入SunseekerPredator130、李澤楷則購入SunseekerPredator80獎勵梁洛施誕下長子李長治。
