冇幾耐之前油價同商品價格大幅下挫，俊樺曾經提過反彈之後會再跌過，前晚就係出現呢個情景，商品炒過龍，只要有可信嘅理由出現，就可以大條道理殺好倉，家炒全球經濟放緩嘅勢力大過炒通脹，商品價格仲會偏淡。
花旗股市前晚大幅滑落，藉口係華特迪士尼業績差，其實商品股拖低指數先至係原因，不過技術上花旗股市仍然向好，整固後可以再升。
太AC輪27914：太古A（019）收115.80元，跌1.86%。股價喺2月底由100元邊升返上嚟，去到100日線又轉橫行，呢兩日開始見異動，有部署突破120元嘅勢頭，破位睇125元，可以諗吓隻C輪27914。
隻輪現價5.2仙，2011年8月2日到期，行使價117元，溢價5.5%，引伸波幅26%，槓桿率22.3倍（有效11倍），正股升上125元，27914睇10.8仙，升幅都幾吸引，正股跌穿113.20元就沽咗隻輪。
俊樺