網上電台「開台」《玄來係咁》，請來兩位風水師坐鎮，如蕭偉成，逢周二午夜1時30分播放。自稱「一個將玄學、神秘學融入生活提升正能量節目」，其實吹水多過講風水，好似最新嗰集，主題講結婚及色彩增運，但遊足一半花園，如講吓外國人唔愛買樓、皇室大婚，之後提到「王妃個鼻靚、額主社會地位」，想學風水就唔啱聽，但純以消閒嚟講都幾搞鬼兼另類。