雖然近年的往績顯示o靚模剝得越多上位越快，不過走性格路線的蔡穎恩（Evelyn）就一於少理，將推出的DVD中，Evelyn依舊清純，更會大騷廚藝煮兩味，企圖以此俘虜一眾宅男。
o靚模蔡穎恩今年將推出DVD，她透露當中會與另一o靚模何思諺（Leanne）齊齊煮幾味，本來以為只屬噱頭，怎料訪問當日，見Evelyn不論切菜還是落鑊也有板有眼，絕對是真功夫。
Evelyn一臉自豪地說：「我好細個已經喺屋企煮嘢食o架喇，嗰陣放學肚餓，媽咪又唔畀我食咁多，怕我食得太飽，晚飯冇胃口，咁我咪惟有自己煮囉，就係咁練到一手廚藝番嚟。」
男友嚐手藝
問到其男友、組合Mr.鼓手杜志烜（Tom）可有嚐過她的手藝？Evelyn尷尬地說：「多數煮畀屋企人食，不過歷來嘅男朋友都試過我手勢，個個都係咁讚o架！」
年紀輕輕的Evelyn，對將來已有一定計劃，她透露有意在退出娛樂圈後開咖啡室或私房菜，她說：「其實家都有儲定錢o架，開間咖啡室都好，又可以有個竇一大班朋友上嚟坐吓玩吓！」
盼表現真我
Evelyn又表示在DVD中除了會下廚外，更會去勻大街小巷找尋美食，又到一些平時也很喜歡去的地方，讓fans可以見到她最真的一面，Evelyn說：「其實我想話畀人知，我除咗係模特兒之外，都係一個平凡普通嘅女仔，都鍾意食街頭小食同埋去旺區行街，呢隻碟可以畀fans見到我真實啲嗰一面！」
採訪：文國駿
攝影：陳俊強
