【本報訊】鄉議局主席劉皇發昨日在立法會上多次迴避傳媒訪問，終於在表明「只有我講，你哋（傳媒）唔好講」的前提下，開腔評論新界村屋僭建事件。他說，村屋僭建既是複雜問題、也是歷史問題，香港現有數萬間屋違例，「呢啲係唔會危害人哋安全，唔會對社會造成不良」。他表明希望執正有關情況，「但執正都要有時間性去執，中國人有句說話，叫『事緩則圓』」。
劉皇發稱，昨日有電視台拍攝到的村屋不屬他所有，而是他兒子的居所，但他否認該村屋有違規之處。他又批評，現時政府在新界執法方面很多時不合理，例如強制不能在農地種菜只能種草，他會跟發展局「坐低傾」，「唔係將件事揚晒出去，搞到大家無所適從，咁解決唔到問題」。