戴歷路斯（左一）今季領公牛盛世再臨，外界成日將佢同「籃球之神」米高佐敦相比。之不過路斯仔喺感情路上就好專一，而且佢女友仲同「神之子」Marcus（右一）有啲關係；原來路斯女友達娜（左二），就係Marcus女友唐娜（右二）個家姐。路斯家名成利就，亦冇放棄糟糠，同達娜仍愛得火熱。相反MJ個仔Marcus繼承唔到父親嘅籃球天份，但「衰嘢」就學到足；讀大學時已同達娜嘅孖生妹妹唐娜分手，最終搭上一個年紀大佢7年嘅女子。戴歷路斯喺球場上係好球員，球場外都始終如一做個好男友，真係難得！話時話，假如當初Marcus冇同女友分手，最後兩pair人都結得成婚，咁路斯應該點稱呼佐敦呢？