入行已經一段時間，終於再見證到愛隊贏錦標！今次係AC米蘭，上次係06意大利，同藍鑽石都叫飲得杯落，不過幾時先到最愛嘅阿仙奴呢。
同意石兄觀點，AC贏冠軍，只係因為意甲越嚟越唔掂，同80年代嘅盛世，當然冇得比；不過我話之你，贏咗就係贏咗，至少可以開心到下季開波前，對球迷嚟講，冇嘢high得過呢個moment，曼聯躉巴塞躉，係咪咁講先？
上場AC作客羅馬嘅封王P，冇得現場睇，真係火都嚟！點之今晚都係冇AC睇！學咩人直播意甲！cut你台！不過AC要開P今晚係時候喇，卡利亞里已經冇嘢好爭，一場嚟到聖西路，唔吞幾隻蛋先走，點對得住紅黑軍球迷呀！
守丹
星期六34
AC米蘭vs卡利亞里
心水：AC米蘭勝[-1]
心得：今晚聖西路開P