人稱張姐的張艾嘉在電影《觀音山》中的演出大獲好評，她坦言對於某些戲份被剪感到遺憾，至於這些被剪戲份，的確是可能令她失去去年金馬影后獎座的原因。
張艾嘉在李玉執導的電影《觀音山》中飾演一名中年喪子的退休京劇演員，其角色的大起大落她拿揑得分毫不差，備受影評人讚賞。
學唱京戲最難
張姐坦言自己在拍攝時完全融入角色之中，她日前說：「我初期演出呢個角色時個感覺係好痛，因為京劇演員係窮一生精力去演出，佢退休就好似冇乜依靠咁，仲要個仔車禍喪生，除咗痛之外真係好難形容。」在戲中張姐要唱京腔，她坦言起初以為是一件很容易的事，她說：「原來學唱京劇真係好難，我一句都學咗成個禮拜，唱時轉音轉到我自己頭都暈埋。」
《觀》片中感人戲份不少，問張姐最深刻是哪一場？她嘆謂：「其實最深刻嗰場係被剪走咗，講我嗰日正式拎咗個仔張死亡紙，冰冰同柏霖佢哋又私自拎我架車去遊車河，當我發現時我就係咁鬧佢哋，鬧到我自己都唞唔到氣先停，嗰一場個感情真係爆發晒出嚟，呢一場被剪走的確係我一個遺憾。金馬獎都有評審同我講，話如果唔係剪得太支離破碎，我個角色可能會有分加。」
床戲名不副實
內地有不少傳媒以張姐和冰冰的所謂床上戲作標題大肆宣傳，張姐沒好氣表示：「我都唔明點解佢哋會着眼喺呢個地方，嗰場所謂床上戲咪就係喺張床上面演戲咋嘛。」
採訪：文國駿 攝影：仇志德
