【本報訊】羅坤發粉麵食店結業，不少食客大表可惜，要求麪店重新開張；有食客特意從港島區來告別麪店，有人更表示會透過Facebook號召親友，齊撐香港快要式微的自家製一條龍式麪店。
王牌蝦子撈伊麪
麪店最出名是23元一客的胡椒豬肚雞腳豬骨湯麪，湯底微辣醒胃，加上以豬骨熬足半天，令軟硬適中的蝦子麪更入味。羅太說︰「個個嚟親都會食，數唔到日賣幾多個，佔咗八成生意。」
33元的蝦子撈伊麪亦是食客心頭好，蝦子鋪滿麪條，份量絕不欺場，伊麪幼滑且沒有油膩感，羅太說撈麪的湯是用來飲用，切勿淋在麪條上；用筷子蘸上蠔油，再夾麪條，這才是撈麪的正宗食法。
食客黃小姐每月都會光顧麪檔，「我次次嚟九龍都會食，有時專登由港島嚟，只係為咗食個麪。」她會誠邀好友於麪店結業前再次光顧，「聽日、後日我都會嚟，喺香港，好食同抵食嘅好快執晒。」