香港藝人頻頻醉駕，謝天華、蔡一傑、梁家輝和葉童全都榜上有名，幾乎每月都有一宗半宗醉駕犯事。楊紫瓊現時身為全球交通安全大使，周遊各國宣傳交通安全，她昨晚直斥醉駕的藝人不守規矩，飲酒happy有理，但醉駕則是冇腦地做儍事。
楊紫瓊昨晚在中環為瑞士珠寶設計師SuzanneSyz的珠寶展撐場，她透露未婚夫JeanTodd和設計師相熟，份屬老友所以特別捧場。下周楊紫瓊將以全球交通安全大使身份，到巴黎、柏林、巴塞隆拿等多個地方，宣揚交通安全，她指計劃在過去10年已救了超過500萬人，稍後更會拍紀錄片宣傳。
「要有腦去Happy」
提到香港藝人經常醉駕，楊紫瓊說：「我自己就唔會飲酒揸車，國家建道路，係國家保護人，既然國家做咗咁多嘢，我哋都要負責。好多國家連路都冇，只有人同車，香港係好幸福喇，點解啲人唔守規矩？」她忍不住直斥：「人去happy係好啱嘅，但要有腦地去happy，唔好做儍事。歐洲有啲國家，連飲一杯酒都唔可以揸車。」
外間曾有提議醉駕或吸毒駕駛，應罰終身停牌，楊紫瓊就說：「咁又好嚴重，家都要坐監。不過，有效嘅話，都可以諗諗，幾秒疏忽，就會令人失去至親。」她指自己飾演昂山素姬的電影《TheLady》，因為不想太趕做後期，故沒參加康城影展，留待9月才面世。
AnaR.延期返美
此外，AnaR.昨日下午示範大串珍珠頸鏈、巨型戒指，她卻對當中的青蛙首飾情有獨鍾，她說：「我有很多青蛙的收藏，很愛青蛙。鑽石的話，我喜歡公主形切割，因為比較獨特。」
AnaR.謂其韓國媽媽也有留了一些家傳首飾給她，但要到結婚成家才會收到，她說：「有金筷子、金髮釵，還有我出生時買的金戒指。」她早前原定到美國探家人，因拉登事件決定延期到下月才起行。
採訪：LoMui
攝影：MatthewLam