沈卓盈、葉翠翠、高鈞賢和翟威廉昨日到銅鑼灣出席明珠台宣傳活動，日前報稱遭中醫師摸胸非禮的沈卓盈，表示事情已交由警方處理，不便談論，她說：「我睇報道先知警方展開行動，我呢兩日都留喺屋企休息，心情都平復。初初兩日都有諗番個畫面，我叫自己放鬆，輕鬆啲面對。」她感激家人和朋友支持和慰問。
現場所見，沈卓盈與翟威廉有搭膊頭玩遊戲，問她有否抗拒，她說：「我啲同事係正人君子，玩遊戲前佢都有問我，我覺得冇問題，絕對信得過佢。」
股神翠翠被玩
曾被封為港姐股神的葉翠翠，在活動上不時被翻舊賬，對此她笑說：「唔會計較咁多喇，最緊要自己開心，做好自己嘅工作，其他真係冇所謂。」被問到崔建邦與無綫提前解約，翠翠說：「我唔知佢實際情況，但希望佢堅持做好自己，其他嘢唔好諗咁多。」
採訪、攝影：何慧斯