趣趣地:畢特早撇唔收人工

趣趣地:畢特早撇唔收人工

南華足主羅傑承前日向本報記者親口證實,陣中嘅前曼聯中場畢特(圖)已經返咗英國,據聞都有唔少紅魔躉唔多開心,指偶像不辭而別,未能親自送佢一程。不過,羅生噚日喺球會blog就話呢個係畢特本人意思,唔想公開提早離港消息。其實南華只係淨番個足總盃可以爭,羅生提早放畢特返英國踢加利尼維利告別賽都唔係壞事;而呢位36歲「老人家」亦好識做咁主動要求唔收今個月人工,算係咁咯!