港股假期間花旗股市造好，噚日復市借勢抽高，但恒指上試23500阻力之後就冇力再上掉頭回落，反覆報收23291，跌44點，成交增加，不過大市喺低位有承接，暫時係爭持格局。
滙控（005）策略日公佈嘅策略唔少已經由傳媒披露，節流同重整業務對未來兩三年集團嘅盈利屬正面，長遠就要睇開源嘅成績。今日政府賣地成績料理想，地產股嘅表現對後市有啟示。
財險C輪24434：中財險（2328）收10.18元，升4.3%。早排靠近11元掉頭回落，下試250日線，噚日扭轉淡勢，大成交向上破10元關，短線好大機會上試11元，破位推向11.50元，可以諗吓隻C輪24434。
隻輪現價12.1仙，2011年10月4日到期，行使價10元，溢價10.1%，引伸波幅43.6%，槓桿率8.4倍（有效4.9倍），正股升上11.50元，24434有機見20.9仙，升幅有7成，正股跌穿9.70元就沽咗隻輪。
俊樺