中聯辦宣傳文體部部長郝鐵川在微博撰文，赤裸裸地承認特區政府搞德育及國民教育科，就是要搞「洗腦教育」，政界人士無不譁然，也令他們深感郝的坦白，透露了北京對香港回歸十多年，年輕人卻越趨反共的憂慮。
年輕人反共成隱憂
親北京政界人士指出，香港人反共、恐共是北京意料之內，特別是經歷六四事件的香港人，北京知道無法收買支持平反六四港人的民心，「若果唔係知香港人恐共，都唔會有一國兩制」。
不過最令北京憂慮的是，新一代年輕香港人，特別是80後、90後一代人，部份人的反共行為較上一代人更激，「雖然呢班人可能只係少數，但喺北京眼中已經係一個失敗同隱憂，有乜理由回歸咁耐，特別係90後一代，佢哋係回歸後接受中、小學教育，點解完全建立唔到愛國觀念？」
面對北京不滿，特區政府已不斷透過資助中、小學生到內地參觀、搞通識科，希望加強新一代對中國的認同感，但明顯收效不大。今次郝鐵川表明要將德育及國民教育科搞成「洗腦科」，明顯就是向特區政府施壓，不能再對宣傳愛國教育左閃右避，「變相講明要特區政府利用德育及國民教育科，宣揚內地嗰套愛國主義，唔可以再迴避呢個問題，北京唔想年輕香港人再係咁不斷反共、永遠係人心未回歸。」
本報記者