假期前夕港股終止8連跌，恒指反彈176點，報收23336，但成交繼續縮減，相信同假期有關。
技術上港股短線反彈可望延續，如果成交回升支持升勢，應該有機會挑戰23800，不過港股中期走勢稍為轉弱，要一舉突破23800會有難度，較大機會係整固後伺機突破。滙控（005）「策略日」會公佈未來大計，市場反應會左右短線港股走勢。
東電C輪29576：東方電氣（1072）收30.65元，升2.5%，股價經一輪反覆下跌後，喺3月中至4月底轉為低位橫行，踏入5月終於發動攻勢，快速向上突破30元關，成交大增，反映大戶已完成收集採取攻勢，料會伺機升破31.50元再向36元推進，可以諗吓隻C輪29576。
隻輪現價51仙，2011年9月29日到期，行使價28.88元，溢價10.9%，引伸波幅55.6%，槓桿率6倍（有效3.8倍），正股見36元，29576睇89.5仙，正股跌穿28.80元就沽咗隻輪。
俊樺