就嚟36歲嘅佘詩曼近日傳出同內地嚴姓手袋大王打得火熱，上周三兩人更被拍得到ICC撐枱腳，報道話阿佘同新歡因為劈酒而飲出真感情，又話拍拖僅半年嘅阿佘將會同新歡喺年底拉埋天窗，近排唔少女星趕住嫁人，馮仁昭見阿佘覓得好歸宿自然要恭喜佢，不過阿佘就否認其事，佢話：「多謝大家關心，佢只係普通朋友，我嘅真命天子仲未出現。」