【記者張文傑報道】醫院管理局護士人手短缺，白衣天使不但要有愛心及耐性，更需要鐵打的身軀應付排山倒海的工作，如在兒童及青少年科服務十多年的護士吳麗芳，面對索K後亂咬亂打人的少年、橫蠻罵人的家屬、家庭問題多多的迷幻青年，曾經痛哭、懼怕及失望，但從未想過離開工作崗位，「就算幾忙幾多問題，見到病人好返出院，滿足感好大」。
少年：好多蟲咬我
1990年成為註冊護士的吳麗芳，曾擔任產科等不同病房的護士，97年加入大埔那打素醫院。她笑言，當護士的原因很簡單，「細個睇小甜甜卡通，入面個護士好好人，所以想做護士」。現實是殘酷的，做護士初期，她試過因為太忙，晚一點才替病人洗傷口，即被家屬以粗口大罵，「鬧到我喊，覺得好委屈」。
2000年起，因「fing頭」、索K、吸食冰毒入住那打素醫院的青少年越來越多，曾有一名少年一次過服食逾百粒安眠藥，「佢死都唔畀我哋幫佢洗胃，又打又踢，爭啲被佢咬親」；有12歲少年吸食冰毒引致尿道疼痛且產生幻覺，「佢話『姑娘睇吓，好多蟲咬我呀』，索到精神有問題，要保安約束住」。
吳麗芳同時要應付這些迷幻青年的朋黨，「有啲竟然特登索K索到入院，話要陪朋友一齊住院」。還有更誇張的情況：「有次五、六個嚟探病，拍埋晒啲病床，跳上去食嘢、玩啤牌、亂丟垃圾，話佢反而恐嚇你，叫你『出醫院小心啲』。」
作為一子一女的母親，吳麗芳覺得很痛心，想盡辦法與他們建立關係，希望助他們改過。她說，最重要是真心關懷他們，「問佢啲醫院餐啱唔啱食呀，幫佢轉通粉之類，或者主動買吓零食畀佢哋」，建立信任後他們會願意真心傾訴。
兩年前，一名叫阮文鋒的中一男生患上罕有腦膜炎，入院後情況惡化，各人有心理準備他會死亡或嚴重殘障，八個月後他卻奇蹟完全康復，「好開心，好有滿足感」，之後她與文鋒母子更成為好友。吳麗芳不時教年輕護士做白衣天使要用心，「呢行係對人，唔係對死物，要攞個心出嚟做，要同人建立互信關係，唔可以太死板」。