恭喜恭喜，多次奪得國際報業印刷質量獎嘅《蘋果日報》，今年再有進賬，獲得第十屆亞洲傳媒大獎「最佳印刷」金獎殊榮。
呢個亞洲傳媒大獎由「國際報業及傳媒協會」（WAN-IFRA）舉辦，頒獎典禮上月底在泰國曼谷舉行，當晚主禮嘉賓係泰國總理阿披實，而來自53個國家、超過500家傳媒機構代表到場，見證呢次頒獎禮。
呢項大賽評審好嚴格，由11位分別來自孟加拉、新加坡、新西蘭、美國、德國、澳洲、波蘭及西班牙等地，從事印刷、傳媒行業多年嘅專業人士及學者評分，因此《蘋果》攞到金獎，唔只證明印刷質量已達到世界級專業水平，仲係香港之光。