喺結志街起家嘅蘭芳園有成60年歷史，可以話係香港元祖級茶餐廳，早年只係街邊大牌檔，後來上舖，09年過海喺尖沙嘴開第一間九龍分店，今年進駐上環信德，已經唔係茶檔咁簡單。
據講蘭芳園首創咖啡溝奶茶成為「鴛鴦」呢種香港原創crossover飲品，佢杯「絲襪奶茶」係無數中環人嘅每日必飲，近年更加名揚國際，唔少遊客以至自由行同胞慕名而至，試吓香濃「絲襪奶茶」滋味。
除咗奶茶，蘭芳園葱油雞扒撈丁亦係中環人至愛，怕卡路里熱量高得滯，八方建議食番茄薯仔湯通粉，食得滋味又冇咁大罪疚感，唔使食完個撈丁，要做番成個鐘頭機咁辛苦嘛！