陳嘉桓（Rose）與林峯傳緋聞後，知名度大增，昨日她到柴灣拍攝王賢誌公司代理的三皇纖體產品廣告，穿上何國鉦設計的大低V晚裝，相當性感，王賢誌表示Rose還會以泳衣及便服造型拍攝，但若論性感程度，晚裝比泳衣更厲害。
Rose一向瘦削，近月更為纖瘦，她賣花讚花香說：「就係因為呢個月試咗呢隻產品，結果瘦咗6、7磅，搞到上圍都縮埋，連呢件晚裝都唔啱身，要用衣夾夾住。」
同林峯冇聯絡
緋聞男友林峯將於暑假開演唱會，會否介紹他用此產品瘦身？Rose說：「相信個廣告出咗街佢都知，其實大家真係冇聯絡，佢只係我一個曾經合作過嘅藝人。」問王賢誌是否貪Rose跟林峯傳緋聞有知名度？王賢誌表示緋聞前已經找她拍廣告，酬勞更有六位數字。
採訪：楊潔雯
攝影：葉君海