服務公立醫院32年嘅方道生，現任新界西醫院聯網腦神經外科部門主管，同時擔任醫管局腦外科中央統籌委員會共同主席，係香港公立醫院數一數二腦外科專家，更加係兒童及青少年腦外科權威。
座右銘「全心盡意」
方道生1979年港大醫學院畢業後，就投身公立醫院，由於腦外科係醫學中技巧要求甚高嘅專科之一，目前香港只有約60個腦外科專科醫生。方道生曾任香港醫學組織聯會會長，亦係香港中風學會會長。
自言唔聰明嘅方道生，行醫座右銘係「全心盡意」，形容做開腦手術好似高空走鋼線而下面冇安全網，絕不能行差踏錯。方醫生係沙龍高手，據講經常攞獎，又鍾意書法，因為寫毛筆字可以練習穩定同仔細嘅手部動作，對做手術有幫助。