上月在北京涉吸毒被捕的莫少聰，昨日在經理人張國忠和舊愛上山詩鈉陪同下在香港舉行記者會。未知是否因為莫少聰之前接受內地網站訪問時被指態度輕佻不知悔改，故昨日莫少聰在記者會上完全收起笑容，一臉誠懇，其間他更四度鞠躬並承認犯錯，承諾以後不會再犯同樣錯誤。
莫少聰上月在北京涉吸毒被捕，在北京朝陽拘留所被行政拘留10多天後獲釋。上周二，莫少聰就涉毒事件接受北京新浪網專訪，被指態度輕佻，更有傳他收錢接受訪問，昨日莫少聰返港開記者會交代一切。
未與兒子聯絡
穿上白西裝白褲的莫少聰，昨午由經理人張國忠陪同下在九龍海逸君綽酒店舉行記者會，其舊愛上山詩鈉也有到場。莫少聰甫上台即鞠躬，在張國忠簡述幾句後，莫少聰說：「我想澄清我冇藏毒、冇喺屋企聚毒，警方喺我屋企冇發現任何毒品，當時我拍緊戲，警方叫我返去協助調查，話三日前有人舉報我食大麻。我係同20幾個朋友去頤和園遊覽，有人攞個煙斗畀我，話入面係大麻，我第一次係拒絕，之後佢繼續叫我食，我唔想得失應酬咁食咗一啖，之後離開。警方調查後證實我冇毒癮、唔係長期吸毒者、唔係癮君子。」他在記者會上前後四度鞠躬致歉。
莫少聰承認自己犯錯，指自己是第一次吸毒，日後定不會再犯。有傳莫少聰與孫興得罪有勢力人士，他指不清楚報道，並說：「有報道指我同孫興喺屋企一齊吸，係錯誤，我同佢冇聯絡，同埋在場嗰兩個唔係我經理人。」提及其子張浩鋒（前名莫鎬廉）因此事而被同學取笑，莫少聰表示沒與兒子聯絡。
孫興今開記招
問莫少聰昨日揀母親節回港開記招，是否趁機跟母親見面？他說：「係，驚佢擔心，想同佢食餐飯，解釋成件事原因。」有人問可覺得今次被捕是一個局，他說：「成件事過去，我係做錯，其他嘢我唔會計較。」對於收錢才接受訪問，莫少聰強調沒有。
整個記者會連記者答問只15分鐘便結束，之後莫少聰在酒店跟上山詩鈉茶敍，逗留至下午4時許便乘坐一部有中港車牌的七人車離開。莫少聰先到旺角接助手，繼而入大埔狂兜圈，最後駛入落馬洲成功擺脫記者。
此外，涉藏毒被捕的孫興，上周獲釋後也於今日在北京開記者會。
採訪：李珮洳 攝影：陳俊強
