【本報訊】廉署打擊超市職員收賄向水貨客倒賣奶粉，媽媽們紛紛拍手叫好，初為人母的黃太飽受撲奶粉之苦，認為涉嫌職員做得太過份：「奶粉已經好難買到，職員仲扣起買畀內地人真係好唔啱。」她指最無助是沒有相熟人預留奶粉的媽媽，為確保家中BB奶粉供應，她與本港媽媽聯手，透過網上整箱奶粉訂購。
盼奶粉供應量變穩定
為人父親的李爸爸亦大讚廉署做得好：「拉咗係好事，因為家出面好難買到奶粉。我每日都要去萬寧問有冇奶粉賣。早早都要去，晨咁早就要去。」
現育有歲半囡囡的年輕媽咪劉太連月飽受撲奶粉之苦，她說已替囡囡選擇較冷門的德國能恩奶粉，但過去一年奶粉加價三、四次，今年3月能恩3號奶粉更缺貨，她一度想給囡囡喝牛奶，與家人商討後決定轉用同一牌子2號，並學乖了買足了兩、三個月儲貨量，「以前冇諗過奶粉都要儲貨。廉署拉咗啲水貨客同超巿職員，好開心，希望奶粉供應量穩定番，啲奶粉質素好啲」。
網媽Sasa昨率先在親子王國討論區公佈喜訊說：「好嘢呀，廉署打擊奶粉貪污拘18人。」旋即引起極大迴響。Monchaa留言說：「呢啲垃圾拉得已經遲了！大快人心啊，媽咪終於出番口氣。」小蜜豐則說：「拉得好，入到罪坐番三五七年就仲好。」有網媽回應稱：「快啲拉埋其他水貨奶粉黨。」
消委會總幹事劉燕卿表示，歡迎今次廉署行動，有助奶粉供應穩定。消委會今年首四個月接獲135宗有關奶粉投訴數字（見附表），較去年全年的71宗高出九成，主要涉及坐地起價、供應不足、奶粉質素欠佳等投訴。
主要奶粉供應商近月設立熱線，用家可直接向供應商購奶粉後，本月巿民投訴數字開始回落。
消委會接獲奶粉投訴
今年首4個月
宗數：135宗 涉及金額：58,036元
2010年
宗數：71宗 涉及金額：40,606元
2009年
宗數：40宗 涉及金額：18,411元
2008年
宗數：96宗 涉及金額：13,630元
資料來源：消委會