呂慧儀和曾志偉之前曾傳緋聞，昨日兩人跟陳百祥及黃杏秀等到尖沙嘴擔任剪綵嘉賓，大會所發的新聞稿也以他們的緋聞來搞噱頭，問呂慧儀會否介意？她大方笑說：「唔會，其實今日冇酬勞，主要係撐朋友場，志偉都嫌我唔夠性感，大會畀幾多我，我咪畀番幾多佢囉。」
同場的志偉表示有跟前日在港開記者會的莫少聰聯絡，志偉說：「我同佢講叫佢唔使解釋，只係要道歉，佢始終係做咗，話俾人呃咗先食（毒品），咁大個人幾十歲，年輕人會點睇呀，所以鞠躬就得，佢做咗，孺子可教。」
志偉指莫少聰之前在北京記者會因笑容滿面被指輕佻，他指因莫少聰感到事件告一段落，覺得開心才有此表現。有否教訓莫少聰要戒掉壞習慣？志偉直言：「直情聞到陣味都要走，佢要帶眼識人，我呢啲朋友就識得過。」
採訪：魯萍 攝影：葉君海