江若琳同阿牛合作嘅《結婚那件事》正喺檳城拍外景，戲中有一場講佢兩個返到檳城需要過橋渡河，點知當導演同工作人員試位時，條橋突然間冧咗，事後江若琳話：「試位嗰陣，突然有群蜜蜂喺橋上面飛嚟飛去，導演怕大家俾蜜蜂針，就話一陣再拍，點知條橋就冧咗！今次係蜜蜂救咗大家一命，但擺喺橋嘅器材就要報銷。」