王喜同蘇玉華噚日喺大角嘴宣傳明珠台下個禮拜二播出嘅紀錄片《天下為家》，王喜幫節目做粵語旁述，咁關阿蘇乜事？阿蘇話呢個節目超好睇，所以嚟支持吓。講番王喜個老死陳志雲（小圖），自從返無綫復工後好似低調咗好多，連安撫員工都由副行政主席梁乃鵬自己親自嚟，志雲會唔會俾人削權呢？王喜話同志雲嘅關係唔會講公事，高層嘅嘢唔識答喎。