鄭裕玲（嘟嘟）、陳法拉及卓韻芝昨日到尖沙嘴出席美髮活動。嘟嘟被問及呂方搭上豬扒中女一事，記者只說出呂方二字，嘟嘟即謂：「都唔關我事，已經咁耐喇，我根本唔想你哋再問！」
當話題轉移到莫少聰時，嘟嘟卻大方表示希望莫少聰無事，還反問記者孫興的情況：「其實我同兩個都唔熟，只係八卦問吓。」
搵Fans做老臨
同場的陳法拉指因媽媽身在美國，已透過微博跟她祝賀：「8月會去大西洋城登台，希望到時可以見到佢。」談到無綫臨時演員罷工潮，她即指現時有份拍攝的劇集《潛行追擊》，所有大場面也暫時停拍：「我考慮緊叫啲fans、親戚同助手，有興趣不妨去做臨記！」
採訪：譚倩宜
攝影：仇志德