花旗股市上禮拜五轉穩，道指反彈54點，報收12638，成交縮減，暫時都只會窄幅上落。
商品價格大跌，係炒過龍嘅結果，呢兩日跌幅大且急，好難一下子扭轉局面，因商品價格如果反彈，會遇到好大沽壓，短期會係反覆向下嘅格局。
港股連跌8日，今日應該可以跟隨花旗股市反彈，料先試23450，破位睇23650。
南航C輪29321：南方航空（1055）收4.24元，升7%。股價早前上試250日線，反反覆覆之後都係跌番落20日線，不過上日已經回勇，喺大成交支持下突破250日線，短線有機會上試4.60元，破位睇4.80元，可以諗吓隻C輪29321。
隻輪現價54仙，2011年9月12日到期，行使價4.26元，溢價13.2%，引伸波幅54.3%，槓桿率7.9倍（有效4.4倍），正股升上4.80元，29321睇89.6仙，升幅6成半，正股跌穿4元就沽咗隻輪。
俊樺