周汶錡（Kathy）與「o靚模一姐」周秀娜前晚齊以性感打扮現身台北微風廣場，Kathy以香檳色性感Gucci晚裝赴會，與娜姐以「雙周」夾擊近年轉戰電視的名模隋棠及白歆惠。Kathy作為阿姐輩，火辣出擊，成功搶鏡。
周汶錡、周秀娜和鍾鎮濤及女友范姜等前晚現身台北，出席當地名店微風廣場的盛會，同場還有微風廣場少奶孫芸芸、台灣名模隋棠及白歆惠等。過江龍Kathy性感非常，她身穿香檳色低胸Gucci晚裝，高衩晒腿，娜姐則身穿黑色連身裙，騷長腿賣青春，雙周成功夾擊隋棠及白歆惠等台灣幫，非常搶境。
不丹旅行會女皇
Kathy透露已與微風廣場合作六年，問到她與娜姐齊齊性感示人，她笑說：「每個人身材唔同，我都好鍾意自己身材。」Kathy透露早前與范姜齊到不丹旅遊，更有幸與女皇及公主共晉午宴，她說：「皇后好nice，大家傾咗好多嘢，不丹風景好靚，日日都係藍天白雲，仲去咗參觀好多寺廟，一日用成12鐘頭睇寺廟，要上山落山好似做運動。」問到Kathy如何慶祝今日母親節，她說：「一定會送花，都會盡趕飛機返香港同媽咪食飯。」
奪蕭敬騰第一次
娜姐也大讚Kathy性感：「佢好sexy，好靚，自己好欣賞Kathy，佢係一個好成功的模特兒，我有排要捱。」
娜姐表示會再到台北，宣傳與蕭敬騰合作的電影《殺手歐陽盆栽》，又笑言與蕭敬騰互相獻出第一次：「喺戲入面我暗戀佢，加上蕭敬騰第一次拍戲，我好榮幸得到佢第一次，自己都係第一次去台灣拍戲。」
撰文：葉雪