徐濠縈（阿徐）前晚在其銅鑼灣時裝店Liger搞開幕兩周年派對，眾好姊妹如何超儀、鄭希怡、何嘉莉及杜如風等撐場，連大劉劉鑾雄女友甘比也穿Liger鎮店潮鞋MBT出席。阿徐說因老公陳奕迅（Eason）及囡囡關係，暫緩開新店計劃：「本來想去內地同台灣開店，但未夠人手，又分唔到身湊女。Eason唔知我咁投入，仲問我會開幾耐，男人都係想生BB。」
封超級VIP
阿徐指甘比是她的VIP，超儀更是VVIP，超儀笑言：「佢送對鞋畀我，我幫佢買咗半間舖，我平時好少買衫，一買就買一季，買咗五萬幾蚊。」
超儀正與郭富城拍《百年浮城》，演城城母親的超儀說：「成日都同城城拍戲，喺《殺人犯》做佢個妹，但今次係同演城城兒時嘅小朋友做對手戲。」談到母親病況，超儀說：「休養緊，好番啲。」
採訪、攝影：梁錦雯