【本報訊】一同獲獎學金的粵劇課程學生黃漢欽是內地生，為演活美猴王孫悟空，他摸黑苦練拋鎚，又到馬騮山拜猴子為師。23歲的黃漢欽的父親是京劇丑生，他14歲時離開哈爾濱，南下廣州學粵劇，17歲時獲演藝學院取錄，來港修讀粵劇深造文憑課程，「粵劇係文化遺產，如果個個唔去學，就會失傳」。
永遠不向困難低頭
童年時看過西遊記電視劇，自此迷上孫悟空，「美猴王文化係中國傳統代表，佢嘅精神係永遠不向困難低頭」。學粵劇後，很多機會做孫悟空。他也不再畏懼挫折，付出非一般的努力。「喺舞台拋嘅鎚有閃光紙包住，會反光，乜都睇唔到。所以排練時閂晒啲燈，憑感覺學接鎚，俾鎚打到好多次，拋劍入劍套都係咁練」。
黃漢欽扮孫悟空維肖維妙，原因是「有幾次去馬騮山睇啲馬騮，學佢哋嘅動作」。太投入角色，令他出現後遺症，「試過喺便利店買嘢，不自覺擺出孫悟空手勢，人哋睇到覺得奇怪」。他去年跟汪明荃和羅家英做粵劇，「不過只係小角色」。