行政會議成員葉維義太太葉梁美蘭（Mira）宣佈淡出香港ball場，計劃轉戰內地或歐洲，原因是：「唔好玩、冇競爭對手、ball場變晒質！」家中擁有件件真金白銀、從世界各地搜羅回來的晚裝，Mira形容穿上每一件晚裝，都是投入一個角色的美好時刻，每件晚裝都盛載着她人生不同階段的甜蜜回憶。 撰文：MichelleLeung
葉梁美蘭是本港ball場少數真正熱血愛時裝的人，三歲定八十，由於媽咪開設婚紗店，自小已培養貪靚愛打扮，但求學時候的她卻是edgy一族，她說：「嗰時鍾意boyishlook，又鍾意MarcJacobs設計嘅grungelook，到嫁咗人，身份改變，係人太太，好快做埋媽咪，好自然就接受女性化嘅打扮，係好自然嘅改變。」
做ball場名太，晚裝不可少，Mira的珍藏，每一件都是寶，都是人生不同片段與回憶，她說：「或者我老咗時會有老人癡呆，記憶會消淡，望住啲晚裝，或者會有起碼嘅記憶。」
家藏過百晚禮服
在紐約念時裝採購，又當過時裝買手兼開過時裝店，Mira對時裝的熱情認識度沒有人會懷疑，她說：「完美高分嘅設計，離唔開設計idea、剪裁、手工、細節，有啲人認為誇張嘅款先係值錢，但係對我嚟講好簡單嘅款式亦都唔易做。」家中晚裝藏量過百，Mira的買衫策略是：「八成係一見鍾情，我唔怕買錯，最怕錯過！」
Mira打算轉戰內地及歐洲，原因是：「已經唔好玩！冇競爭對手！去ball嘅風氣同社會環境有好大關係，以前歌舞昇平，大家出嚟玩嘅心情都投入啲，同埋會尊重場合配合主題好畀心機裝扮，我反而有興趣去內地同埋歐洲ball場見識吓。」
懷念舊日爭妍風
Mira續說：「以前香港嘅ball場好精采，去到見到個個都悉心打扮，起碼有對手！好似Fanny（薛芷倫）、Jane（雷林靜怡）同MarieChristine（利蘊珍）個個都有自己風格，所謂競爭係好良性融洽嘅，大家會好興奮交流件晚裝喺邊度搵返嚟……氣氛好好，家唔同晒，好多人都係叫品牌贊助，冇晒passion。」
髮型：RoyPangofiiHairNail
地地提供：LaliqueLounge
OscardelaRenta
價錢：約9萬
「Spot中呢條粉紅色晚裝係我嗰時搵緊衫去balletball，條裙基本上符合晒我嘅要求：優雅、純潔、剪裁細節都一流，但終於最後我都係揀咗我更加鍾意嘅Valentino。」
Chloé
年份：93年
「呢條裙好耐歷史，係KarlLagerfeld幫Chloé設計嘅年代，我買嚟本來係諗住結婚時搞個poolside或者gardenparty，所有人都好casual，可以着凉鞋甚至赤腳，但可惜最後冇實現到呢一幕場面。」
Valentino
年份：01年 價錢：約7萬
「裸色好蝦人着，但又突然成為熱潮，我平時好鍾意運動，成日曬到好黑，好難配呢隻色，啱啱嗰段時間白番少少，襯到隻色，當然除咗顏色外，Valentino嘅剪裁同手工都係信心保證。」
ReduxbyCharlesChang-Lima
「我喺紐約識Charles時打扮仲係好edgy，到嫁咗人，佢成日畀意見我，叫我要女性化啲，我哋有日傾到都未試過着mermaidgown，結果佢就幫我設計咗唞啖氣都辛苦嘅美人魚晚裝。」
JohnGalliano
年份：90年代
「係JohnGalliano最早期時期嘅作品，亦係我第一次喺香港ball場着嘅晚裝，呢條裙顏色豐富，好happymood，同埋啲繩同帶可以自由adjust，好靈活好fun，就算家再着都唔會過時，係anotherclassic。」
AlexanderMcQueen
年份：10年 價錢：10多萬
「鍾意McQueen嘅人都係鍾意佢團火，佢係屬於舞台嘅，紅色、brocade、精湛刺繡手工就代表到晒佢團火，仲有係佢嘅遺作，諗唔到唔買嘅理由。」
Dolce&Gabbana
年份：04年 價錢：約8萬
「呢條裙係買嚟結婚10周年ball着嘅，嗰年我哋係以famouscouple做主題，我老公着套李小龍經典黃黑衫，後面繡咗條龍，我就剪咗個好短嘅bob頭襯呢條紅色晚裝扮歌女，嗰晚個個都好畀心機扮靚，係我呢世人其中一個我最難忘嘅ball，咁樣先真正係玩得認真。」
ReduxbyCharlesChang-Lima
「Charles係一個同我分享好多難忘時刻嘅好朋友，佢係MarcJacobs同班同學，我結婚時嘅婚紗都係佢設計，我好想試吓有一刻《羅馬假期》柯德莉夏萍嘅優雅萍mood，Charles直情係我肚裏面條蟲，淨係同佢一句想點，就幫我設計咗呢條perfectgown。」
D&G
「買呢套衫前個腦亦都係有visual先，我要去一個遊艇party，但係唔想短衫短褲咁求其，都係想靚同glam，就揀咗呢套D&G，可以活動自如又仍然有glammood。」
