香港人的集體回憶，一點一滴在發展中的城市消失。有60多年造鞋、補鞋經驗的譚伯，在一張搖搖欲墜的木枱前，用軟尺度呀度，在紙上畫呀畫，拿着大鉸剪在鴕鳥皮上剪呀剪，再用舊式機器磨呀磨，造出一雙雙真材實料兼香港製造的皮鞋。不過，毗鄰大廈要維修外牆，管理公司要求在後巷工作30多年的譚伯立即遷走，譚伯欲哭無淚，誓言「寧願死都唔走！」
記者：袁慧妍
現年78歲的譚鈿裕在銅鑼灣聖保祿醫院對面、華都大廈後巷的裕華鞋店工作逾30年。1949年從內地來港，小學畢業的譚伯走到灣仔區學造鞋，「嗰時好多人學，我畀錢跟師傅學兩年，你估真係教你o架？你喺側邊睇咋」。
長年做 手指嚴重扭曲
學滿師，譚伯在灣仔及北角擺檔逾20年，1972年搬到銅鑼灣現址；對造鞋，他有一套堅持。譚伯拿着一隻鱷魚皮鞋，說皮紋大小不同，要造出一雙對稱鞋子，必須細心量度皮紋然後剪裁；又展示鴕鳥皮革是真材實料，「你摸吓，真皮係好軟熟，啲釘挑得起又唔會爛。知唔知點解？因為啲釘係鴕鳥毛孔，有彈性，假嘢嘅話，一挑就爛」。
記者看見譚伯的手指嚴重扭曲，他說是多年來親手剪裁皮革，手指跟工具手柄早已「融為一體」。他又打開櫃子，裏面放了幾百個木製鞋模，「30幾年o架喇，買唔返，家啲鞋模全部都用膠造；工廠個個都分工、用機器，啲人已經唔識點造鞋」。他續說，造鞋的好處，是因應實際要求和需要，為客人加高足弓位軟墊、加闊鞋頭等，務求令客人着得舒適，行得招積。
譚伯最記得以前每年聖誕及新年，總有一群「有錢女」走到鞋店訂皮鞋及靴，「佢哋個個去party，要扮得靚，我就會幫佢哋度腳，佢哋個個都讚我啲靴，造到好似貼身褲咁弗！」但他不願透露熟客名單，「專業人士都嚟搵我造鞋，醫生又有，做地產又有。有個出名嘅律師，個老婆係外國人，佢驚自己唔夠高，對鞋個踭有兩吋，其實裏面仲有一吋內踭。」
後生時要搵食搏殺，日造一雙鞋，每對售百多元，「大公司賣二千幾蚊」；現時三日造一雙，每雙3,900元至6,000元不等。多年來已有一群忠實擁躉，工作枱旁的冊子記錄了每個熟客的腳形大小、鞋款，「有人年年都嚟，一次造三四對，一買就萬幾蚊」。
「呢輪心情曳食唔落飯」
記者採訪期間，適逢有人來補鞋，譚伯檢查後，說鞋底已破，「補返都嘥錢」，建議他考慮清楚；另一個街坊放下鞋子說︰「你幫我黐返個踭啦！今次一定要收錢，唔可以好似上次咁。」譚伯說，街坊街里，小修小補分文不收，小意思。
譚伯上月18日收到大廈管理公司通知，指大廈要進行翻新及維修，基於後巷範圍屬大廈所擁有，鞋店緊貼大廈外牆，屬非法僭建物，要求他21日內遷走（即本月9日前），否則採取法律行動。對於被迫遷，譚伯寢食難安，「呢輪心情好曳，食唔落飯，間舖有就有，冇咗嘅話我寧願死喺度」。
