近來娛樂圈都喜事重重，啲藝人唔係結婚就生仔，真係好開心，好似商台DJ當奴同前組合Krusty成員張詠恩（Jan）拍咗拖多年，佢哋嚟緊喺14號會正式步入人生新階段，拉埋天窗結婚，真係可喜可賀。近日唔少圈中好友都開始收到當奴嘅結婚請帖，帖上見到當奴同Jan都着住白色禮服，依偎喺一齊，真係睇到都感到sweet呀。