美斯成日俾人話似張家輝，我求大俠發現，呢個效力巴塞隆拿嘅阿根廷球王原來仲似葉山豪呀，但係就唔係現實生活嗰個葉山豪，而係喺熱爆全城嘅《3D肉蒲團》入面飾演未央生嗰位。點解咁講，因為佢同未央生一樣，都係「地上最長」囉。
23歲嘅美斯形象向來好健康，唔學似巴塞「前10號仔」細哨咁日滾夜滾，所以佢嘅負面新聞一直唔多。但邊有貓唔鍾意食魚吖，更何況，話晒佢都係球王，而且有錢又後生，即使個樣唔算靚仔，不過就大把女主動黐埋身。阿根廷傳媒日前就爆料，美斯原來好冧巨咪女，舊年9月返家鄉幫阿根廷友賽西班牙（入1球助阿根廷贏4:1），同現年25歲、咪咪有36F嘅模特兒安迪雅（AndreaRincon）火速撻着，之後仲共度春宵。
安迪雅就話：「我哋除咗見面，仲會互傳短訊。佢喺入波之後，仲同我講係我帶啲好運畀佢。同埋佢喺賽前賽後，都會打電話畀我o架。」安迪雅仲大爆美斯喺床上嘅表現，話美斯雖則有啲被動，不過天生異稟。呢個生於哥倫比亞嘅索女話：「傳聞話美斯好短，半呎都冇，但係啲人妒忌先至咁中傷佢。我敢保證，美斯『何B仔』真係好大，係屬於大碼至真。另外，佢喺床上好被動，由我來做主，所以佢可以好好放鬆，盡情享受。」如果安迪雅所言非虛，身高得1米69嘅美斯若然真係有個象鼻，咁就名副其實係「小巨人」嘞！
35D索女陪基迪拉養傷
話時話，做球星真係幾盞，好似效力皇家馬德里嘅德國中場基迪拉咁，最近就塔上咗德國時裝模特兒兼電視主持蓮娜（LenaGercke、上圖），仲俾德國啲狗仔隊影到佢哋兩個喺德國一間意大利餐廳撐枱腳。蓮娜一頭金髮兼五官標緻，而且有成35D，基迪拉有個咁索嘅靚女陪，唔怪得養傷都養到咁Happy啦！