「宇宙最強」呢排唔做葉問，反而扮演其他英雄人物，最近套「關二哥」上映，小弟一心入場捧場。撇開宇宙最強嘅身材，同昂藏七呎嘅二哥不符，故事亦令唔少三國迷失望。電影以「三國演義」中嘅過五關斬六將為主線，原本二哥所斬殺嘅孔秀、孟坦、韓福等，都唔係頂級武將，為咗拖長時間，刻意等宇宙最強打餐飽，小弟可以接受；二哥原本帶兩位嫂子見義兄，家改帶一位虛構嘅小妾，小弟都仲可以接受，但點解結尾要安排漢獻帝參與其中呢？（小弟唔想爆結局，讀者們想知請自行購票入場）
英超嚟到尾聲，車仔都過好多關先有機會博到反超前曼聯機會，唔使問，一於單注車路士W。
牽牛
星期日31
曼聯vs車路士
心水：車路士勝
心得：曼聯如抱守和心態隨時出事