江若琳在《洪武三十二》中扮演朱元璋幼女永暘公主，其角色不時公主病發作，刁蠻、率直、敢愛敢恨。出道四年的江若琳雖然拍過不少電影及電視劇，不過她在《洪武》的演出仍相當浮誇，聲音刺耳又欠感情，完全跟稿讀。
被嘲裂口女
江若琳向來眼大鼻大嘴大，《洪》劇中她有一幕將燴番薯啪入口中的鏡頭，彰顯其嘴巴伸縮性，有網民指其大嘴拍得住日本驚慄電影《裂口女》；又有網友踢爆江若琳明明扮古代人，卻全劇佩戴現代「大眼仔」上陣，一對黑漆漆硬眼珠極礙眼。最搞笑的是她出現穿崩場面，被發現着牛仔褲及長靴拍戲，十分騎呢。
江若琳現於檳城拍攝新片《結婚那件事》，她昨解釋說：「因為我有深近視，唔戴眼鏡好似盲俠咁睇唔到嘢，所以戴咗副深啡色嘅con，我未拍《洪武》前，試妝時有畀過監製導演睇，佢哋話冇問題；至於把聲，我個角色係巴渣、任性，導演要求我放啲嘅。」提到她穿崩露出牛仔褲及長靴，她則說：「本身套衫係咁o架，入面有條藍色褲同埋長靴，大家誤會啦。」採訪：夏琴