本港「大美人」生完BB後，身材冇走樣，個樣仲靚過以前，令唔少港女又羨又妒；原來喺英國都有個咁樣嘅人辦，佢就係熱刺前鋒高治嘅未婚妻艾比（圖）喇。身為模特兒兼電視節目主持嘅艾比，7個星期前先誕下囡囡，但日前出席一個雜誌派對，完全修身不特止，仲容光煥發㖭！呢位身高5呎9吋嘅25歲金髮美女亦對自己身材好有信心，真空上陣演繹露背裙，問你點頂！