近排冇咩好戲睇，戰友牽牛睇咗嗰套《關雲長》，我完全冇興趣，因為我唔鍾意甄子丹，打打殺殺冇咩feel，想睇《報應》，不過又唔鍾意任賢齊，再check吓有咩新戲上，咦！冰冰有新戲！《觀音山》！
聽個名，又係啲悶爆國產片，睇吓個介紹噏乜，原來係青春片，心諗，冰冰年紀都唔細，就睇佢點扮大學生！套戲仲有張艾嘉同陳柏霖，係就係冷門啲，又只得3間戲院上，不過劇情片始終係MCOT，冇人陪？咪最多一條友睇。
呢期同德甲有緣，上個星期2x1食正，開咗個頭就唔好畀佢停，今個禮拜要利華古遜啦，漢堡啲大牌傷晒，冇雲佬冇柏歷冇馬素贊臣冇薛羅拔圖，唔買利華笨喇！
守丹
星期六24
利華古遜vs漢堡
心水：利華古遜勝[-1]
心得：漢堡冇人踢又冇心踢