啱啱贏咗英格蘭足球先生嘅韋斯咸中場柏加（圖），現受腳踭傷患困擾，極有可能幫唔到球隊打最後3場嘅英超護級生死戰，若然係真嘅話，韋斯咸就大件事，睇怕可以執定包袱等返英冠比賽。唔怪得有傳韋斯咸亦開始搵人頂領隊格蘭，候選人包括禾諾克、林拔、曉頓、比歷、荷路威同奧尼爾等，但如果佢哋下季唔係英超球隊，唔知邊個會有興趣呢？