今季人氣爆晒燈嘅除咗公牛嘅戴歷路斯，仲有憑一招飛車入樽，贏得「入樽王」美譽嘅快艇前鋒比歷克格芬（圖），據EPSN報道呢位仁兄仲會大熱當選「新人王」，真係可喜可賀！格芬如獲獎將為歷來第4位，新秀賽季冇份打但及後贏得最佳新人王嘅球員。佢上季因傷全季報銷，今季才以「新秀」身份上陣，憑勁爆入樽獲得廣大球迷同埋球評家認同，所以呢個獎對佢都算係可貴！