出年80大壽嘅修哥胡楓，五十幾年嚟嘅演藝旅途都咁精采，嚟緊月中佢就會喺屯門舉行兩場演唱會。修哥噚日接受商台訪問，話為咗演唱會已經練歌兩、三個月，近排仲練到聲沙要休息吓。問修哥啲契仔契女張學友、黎明同劉美君等會唔會撐場？佢話自己開兩場細騷，唔敢騷擾佢哋，不過佢哋開騷自己必定捧場，好似呢排就晚晚睇學友演出，非常享受。