本地設計師何志恩推出新系列，昨日舉行迷你時裝騷，趙學而客串上陣，破格行完即走，連訪問也沒有做，她在義助錄影的短片中，暴力舉尖物，嚇到眾名媛齊齊幫仔女掩眼。
本地設計師何志恩（JohannaHo）最近和St.Martins師妹、曾為陳奕迅《Duo》演唱設計花花西裝的畫家LeanneClaxton結合畫作與時裝，推出別注版系列，昨日在山頂舉行小型發佈會，吸引已故賭王傅老榕孫女傅潔恩、羅氏針織後人羅可璇及徐濠縈等捧場。
揮動利器嘉賓愕然
趙學而半義務上陣行騷，並客串拍攝一輯宣傳短片，其中有一幕她在石澳拿着利器扮插，嚇得徐濠縈和何志恩等急急掩着場內小朋友的眼睛。何志恩謂多得趙學而做義工，她說：「佢係圈內朋友，遲啲佢又有演唱會，咁啱家有時間可以幫手，我地budget有限，佢好好，係咁意收少少錢，之前喺石澳拍video，由朝拍到晚㖭。」何志恩透露LeanneClaxton擅長畫花，畫風帶有黑暗面，之前Eason演唱會以人生兩面為主題，所以推介她設計Eason的花花西裝。
Eason近日被指喉生繭，但忙於搵錢無暇做手術，老婆徐濠縈說：「佢唔係生繭，係韌帶受傷，係舊患，醫生提議要做，但要度期，佢係好多嘢做，排到2012年，啱啱又接咗三部戲。」
阿徐否認月花80萬
有指Eason一家開銷每月達80萬，故Eason不敢停工，徐濠縈說：「咁唔計我自己搵嗰啲嘅，我自己都有收入，有時裝店。屋企開支一定有，6位數都一定有，但點使80萬呀？我哋唔係餐餐大魚大肉，我噚晚都係食餅乾。」
採訪、攝影：RitaLeung