俗語話「嘢可以亂食，說話唔可以亂講」真有道理，好似魔術首圈俾鷹隊淘汰，魔術控衞謝美尼爾遜（圖）就要自食惡果。皆因佢曾經好得戚公開咁話，我們一定喺次圈鬥公牛嘅路斯，結果魔術爆冷出局；鷹隊發言人查普為咗「贈興」，仲將佢哋首仗作客公牛嘅山頂飛留畀謝美尼爾遜，後者當然無去；之不過查普得勢唔饒人，話會留定鷹隊第3戰主場鬥公牛嘅波飛畀謝美尼爾遜呢！