前晚花旗股市回落，非製造業指數較市場預期為差成為造淡藉口，道指走勢仍偏淡，但納指已跌至支持位，市場整體氣氛料會改善。
港股噚日繼續下滑，恒指再跌53點，報收23261，但整體形勢已轉好，日線圖現陀螺，成交顯著縮減，大市已具備反彈條件，反彈會先試23450阻力。
友邦（1299）再現強勢，短炒之選，電力股整體回勇，亦可留意。
潤電C輪27600：華潤電力（836）收15.66元，升1%。股價近日挾大成交炒上，突破250日線，雖然股價喺現水平會有啲反覆，但後市好大機會上試17元，可以諗吓隻C輪27600。
隻輪現價13.3仙，2011年8月1日到期，行使價14.90元，溢價3.6%，引伸波幅29.6%，槓桿率11.8倍（有效7.8倍），正股升上17元，27600有機會見23.5仙，升幅超過7成，短炒算好吸引，如果正股跌穿15.20元就沽咗隻輪。
俊樺