前Freeze成員陳樂榣日前與一間服裝店合作，在銅鑼灣舉行畫展，以布碎做材料作畫放在店中出售，15幅畫作趕在一個月內起貨。雖然忙碌辛勞，但總比起在娛樂圈時受的辛酸好得多。陳樂榣日前說：「我冇後悔入到行，其實都係踏腳石，我本身唔係咁識同人溝通，識人唔多，但呢行真係識到好多人。」
整容適可而止
Freeze時期總是多負面新聞，陳樂榣現在終可感受到沒是非的自在，她說：「性感、整容加埋是非，搞到形象好差，我好介意人哋點睇，搞到好大精神壓力，聽到少少都諗係咪講緊我，想當唔知又好難，家冇乜是非個人好舒服，開始受人尊重。」
當初為入行而整容，陳樂榣說絕不後悔，但也決不再修葺，她說：「我知道好多人整到上癮，我都覺得整容好小事，但一定唔畀自己走火入魔，整靚咗個樣已經好滿足。」
採訪：魯萍
攝影：陳俊強
場地：DFdrex.fable