羽翹喺呢個月9同10日會舉行音樂會，噚日佢同埋表演嘉賓之一嘅羅力威，喺北角錄音室綵排，雖然佢哋會合唱《小酒窩》呢首情歌，但係綵排嗰陣佢哋一啲戲都唔交，零交流兼無默契，羽翹解釋話：「我哋都係識咗冇耐，要花啲時間去夾，不過我好欣賞威仔先搵佢。」至於羅力威又會唔會搵羽翹做佢嘅演唱會嘉賓？佢就話家仲未決定喎。