花旗股市禮拜一成交顯著縮減，前晚雖然略為增加，但睇指數嘅變化，股民觀望情緒仍濃，相信要有新利好消息，道指先至會上試13000關，不過從技術角度睇，花旗股市仍會反覆向上。
港股淡友繼續施壓，恒指跌穿50日同100日線，成交增加，市場氣氛轉淡，但23000關支持力好強，應該可以守得穩，恒指重上23500樓上，會再組織升勢。
騰訊C輪28436：騰訊（700）收210.60元，跌3.3%。喺高位徘徊咗6日之後掉頭回落，噚日跌穿10日線，靠近20日線現支持，十字星加大成交反映現水平吸納意欲強，具備反彈條件，有機會上試230.25元，可以諗吓隻C輪28436。
隻輪現價16仙，2011年11月2日到期，行使價235元，溢價19.2%，引伸波幅41.7%，槓桿率13.2倍（有效5.5倍），正股升上230.25元，28436睇25.3仙，升幅有58%，正股跌穿202元就沽咗隻輪。
俊樺